صدف سراج
یہ کہانی پر انی ہونے کے ساتھ ساتھ سچی بھی ہے ۔یہ بات مغلوں کے دور کی ہے ،آخر ی مغل بادشاہ بہادر شاہ ظفر کا ایک ہاتھی تھا ، نام تھا اُسکا ”مولا بخش “ یہ ہاتھی اپنے مالک کا بے حد وفادار تھا ۔ہاتھی خاصہ بوڑ ھا تھا مگر تھا بہت صحت مند۔

وہ ایک گھڑی یعنی ایک منٹ تک ایسے ہی رہتا ۔پھر بچے کہتے گھڑی پوری ہوئی تو وہ ٹانگ نیچے رکھ دیتا۔پھر وہ مخصوص آواز نکالتا جس کا مطلب ہوتاکہ ”بچو ! اب تمہاری باری آئی ۔

کامران امجد خان
دوپہر کا وقت تھا گرمی انتہا پر تھی‘خلیفہ معاویہ بن ابی سفیان دمشق میں اپنے محل میں بیٹھے ہوئے تھے۔محل کے دریچے سے سامنے کا منظر صاف دکھائی دے رہا تھا۔دُور دُور تک کھلا میدان تھا اچانک خلیفہ کی نظر ایک شخص پر پڑی جو افتان و خیزان ننگے پاؤں قیامت کی اس گرمی میں محل کی طرف بڑھ رہا تھا۔

“پھر ایک خادم کو طلب کیا اور اسے حکم دیا کہ وہ دروازے پر کھڑا رہے اور اگر یہ شخص مجھ سے ملاقات کرنا چاہے تو اسے میرے پاس آنے سے نہ روکا جائے۔

ایک بڑھیا تھی۔ وہ بڑھیا اپنا سارا گہنا پاتا پہن کر کہیں جا رہی تھی۔ گہنا کیا تھا؟ یہی کانوں میں جھمکے تھے۔ باہوں میں گنگن تھے اور گلے میں ہار تھا۔ مگر یہ سارے زیور تھے سونے کے۔ بے چاری بڑھیا کے پیچھے دو ٹھگ لگ گئے۔ دونوں بڑے چال باز، مکار اور عیار تھے۔

تھوڑی دور چلنے کے بعد ایک ٹھگ بولا۔بڑی اماں کوئی کہانی ہی سناﺅ جس سے سفر کی تھکان معلوم نہ ہو اور وقت بھی جلد کٹ جائے۔

بلقیس ریاضبچوں کی اوّلین تربیت ان کے گھر سے شروع ہوتی ہے کیونکہ جب وہ پیدا ہوتا ہے تو ایک کورے کاغذ کی مانند ہوتا ہے ۔یہ والدین ہی ہیں جو اس کورے کا غذ کو خوشنما رنگوں سے نوازتے ہیں جس طرح کے رنگ اس کی شخصیت میں بھریں گے اس کے مطابق اس کی شخصیت میں چار چاند لگیں گے۔ اگر اس کے کورے کاغذ جیسے دماغ میں بدنما رنگ بھریں گے تو اس کی شخصیت بھی ویسی بدنما ہو گی۔لاکھ بچے کو اچھے سکول میں ڈالیں گے مگر اس نے زیادہ تر گھر کے ماحول کا اثر لینا ہے ۔اچھا بھی اور بُرا بھی ہے ۔جو بچے مشترکہ خاندانی نظام میں پرورش پاتے ہیں ان کی تربیت اور انداز سے ہوتی ہے جو الگ گھر میں ایک چھت کے نیچے والدین کے ساتھ پلتے ہیں وہ کنفیوژن کا شکار نہیں ہوتے۔ جو والدین کہتے ہیں وہ ان پر عمل کرتے ہیں اچھی بات بھی اور بُری بات بھی۔ کچھ ایسے بچے بھی ہوتے ہیں جو احساس محرومی کا شکار ہوتے ہیں جن کے والدین طلاق لے کر دوسری شادیاں کر چکے ہوتے ہیں ۔بچہ جب والد کے گھر جاتا ہے تو وہاں پر اس کی ماں اپنی نہیں ہوتی اور جب ماں کے گھر جاتا ہے تو وہ باپ سے نالاں ہوتا ہے کیونکہ غیر آدمی ان کا باپ نہیں ہوتا۔
احساس محرومی لئے وہ بورڈنگ ہاؤس یادادادادی کے گھر پلتے بڑھتے ہیں ان کی تربیت میں گہن لگ جاتا ہے ۔احساس محرومی دن بدن بڑھتا جاتا ہے ۔والدین نفسیاتی ڈاکٹروں کا سہارا لیتے ہیں مگر بے سود۔کچھ بچے جو مشترکہ خاندانی نظام میں پلتے بڑھتے ہیں وہاں ہر کوئی بچے کو اپنے انداز سے تربیت کرنے کی کوشش کرتا ہے ۔ اسی حوالے سے ایک سچا واقعہ بیان کررہی ہوں جو ایک خاتون نے مجھے بتایا۔
وہ خاتون بتانے لگیں کہ میں اپنی ساس اور نندوں کے ساتھ رہتی ہوں۔ چاہتی ہوں کہ بچوں کی تربیت اسلامی طرزکی کروں ۔انہیں گناہ ثواب اور اللہ کے احکام اور جو اسلامی اصول ہیں ان سے آگاہ کروں مگر کیا بتاؤں کہ مجھے ایسا کرنے کے لیے کن مشکلات سے گزرنا پڑتا ہے ۔
ایک روز بچے نے دراز میں رکھے ہوئے روپوں میں سے دس روپے میری اجازت کے بغیر لے کر اپنے بیگ میں رکھ لئے۔دوسرے روز بھی اسی طرح روپے لے کر بیگ میں رکھ رہا تھا کہ میں نے دیکھ لیا۔وہ اگر چہ کافی چھوٹا ہے اور ابھی اسے گناہ ثواب کی اتنی سمجھ بھی نہیں لیکن میں چاہتی ہوں کہ ابھی سے بچوں کی تربیت ایسی کروں کہ وہ اچھائی اور بُرائی میں تمیز کرنا سیکھ جائیں ۔ ابھی سے اُن کے ذہن میں یہ بات راسخ ہو جائے کہ انھیں گناہ سے ہر حال میں بچنا ہے ۔اسی لیے میں نے اسے ٹوک دیا اور اُسے بتایا کہ ”بیٹا اس طرح روپے نہیں لیتے۔اپنی ماما کو پوچھتے ہیں۔ اس طرح لینے سے اللہ تعالیٰ ناراض ہوتا ہے اور یہ گناہ ہے ۔ “اس نے معصوم نگاہوں سے دیکھتے ہوئے پوچھا۔
”ماماگناہ کیا ہوتاہے۔“
”بیٹا اس طرح چوری روپے لینے سے اللہ میاں ناراض ہوتا ہے اور بچے کو سزادیتا ہے ۔اس لئے ہر بات ماما سے پوچھنی چاہئے۔تمہیں روپے چاہیے تھے تو میں دے دیتی ۔ یہ گناہ نہیں ہے اگر پوچھے بغیر لوگے تو گناہ ہے ۔“
میں نے یہ بات جب کہی تو اس نے وعدہ کر لیا کہ وہ ہر بات ماما کو بتائے گا اور روپے چاہیے ہونگے تو چوری نہیں کرے گا بلکہ ماما سے مانگے گا تاکہ گناہ نہ ہو۔یہ کہہ کر وہ اپنی پھوپھی کے کمرے میں چلا گیا اور سارا ماجرا اسے بتایا اور کہا”پھوپھو چوری روپے لوتو اللہ میاں سزا کے طور پر دوزخ میں ڈالے گا۔ “
پھوپھی نے پیار کرتے ہوئے جواب دیا۔”توبہ تمہاری ماں تو بہت ہی سخت ہے اتنے سے بچے کے ساتھ گناہ وثواب کی باتیں کرتی ہے ۔وہ روپے تمہارے پاپا کی کمائی کے ہیں۔ اس میں گناہ والی کون سی بات ہے ۔اللہ کوئی گناہ نہیں دے گا،بچے معصوم ہوتے ہیں۔
معصوم بچے کو یہ سب سُن کر عجیب پریشانی ہوئی ۔وہ سمجھ نہیں پارہا تھاکہ کون ٹھیک کہہ رہا ہے ۔ایک طرف اُس کی ماں تھی جو اُسے کچھ اور سبق پڑھا رہی تھی اور دوسری طرف پھوپھی تھی جو اُسے بالکل اُلٹ باتیں بتارہی تھی۔
پھر میر ا بیٹا کمرے میں داخل ہو ا اور اُس نے عجیب سے لہجے میں کہا ۔ ”ماما آپ بہت ڈراتی ہیں بچے معصوم ہوتے ہیں ،اللہ میاں ہمیں کوئی سزا نہیں دے گا۔“
میں نے اُسے پاس بٹھا کر ساری بات پوچھی۔جب اُس نے مجھے بتایا کہ پھوپھی نے اُسے یہ سب کہا ہے تو اس کی یہ بات سُن کر میں سر پکڑ کر بیٹھ گئی ۔ لیکن کوشش جاری رکھی ہے ۔آپ خود ہی سوچیں ایک گھر میں اتنے سارے لوگ جورہتے ہیں ان کے فائدے بھی ہوتے ہیں مگر نقصان بھی ۔بچہ دوہری شخصیت کا مالک بن جاتا ہے ۔میں اب بھی اپنے بیٹے کو اچھی باتیں سمجھاتی اور بُری باتوں سے روکتی ہوں مگر اکثر ایسا ہوتا ہے کہ وہ میرے ان اصولوں کے جواب میں ایسی بات کرتا ہے کہ جسے سُن کر میں حیران رہ جاتی ہوں ،اس کی باتیں سن کر لاجواب ہو جاتی ہوں ۔ مگر پھر یہ سوچ کر اپنا فرض نبھاتی رہتی ہوں کہ انشاء اللہ اچھائی جلد بُرائی پر غالب آجائے گی اور میرا بچہ بھی یہ سمجھ لے گا کہ بُرائی کیا ہے اور اچھائی کیا۔
وہ خاتون بالکل ٹھیک کہہ رہی تھی ‘اُسے کافی مشکل وصورت حال در پیش تھی۔ وہ خود بچوں کو یقین سے ہی اچھے بُرے کی تمیز سیکھانا چاہتی تھی ۔کیا گناہ ہے اور کیا ثواب یہ اُن کے ذہن نشین کرو ادینا چاہتی تھی لیکن اس کے گھر میں ہی بچوں کو ایک مختلف نقطہ نظر بتایا جارہا تھا ۔مشترکہ خاندانی نظام کی خوبیاں بھی ہیں کئی مشکلات اور مسائل بھی آسانی سے حل ہو جاتے ہیں۔ جووالدین الگ رہ کر بچوں کی پرورش کرتے ہیں انھیں بھی مسائل کا سامنا کرنا پڑتا ہے ۔بہتر ین حل یہ ہے کہ ان مسائل سے دانشمندی سے نپٹا جائے اور صبر کا دامن نہ چھوڑا جائے ۔

ریاض احمد جسٹسعاصم نے جونہی گاڑی پکی سڑک سے کچے میں اُتار کر چلانا شروع کی۔گاڑی زمین سے اٹھنے والے گردو غبار سے آلودہ ہونے لگی۔سفر کافی لمبا تھا ۔آس پاس قرب وجوار میں آبادی کا کوئی نشان تک نہ تھا ۔ عاصم کے ساتھ اس کا ملازم سر فراز بھی گاڑی میں موجود تھا۔دونوں کی عمروں میں کوئی خاص فرق نہیں تھا۔عاصم ایک صاحب حیثیت پڑھا لکھا خوبصورت جوان آدمی تھا۔اور اس کا ملازم سر فراز بھی تعلیم یافتہ تھا جو عاصم اور اس کے والد کے کاروباری معاملات کی دیکھ بھال کرتا تھا ۔
سر فرا زکی نظر دورچلنے والی چند خانہ بدوش لڑکیوں پر پڑی ۔کچے میں ان کو گرد آلود سڑک کے ساتھ ساتھ سخت پیاس بھی ستارہی تھی سر فراز نے خانہ بدوش لڑکیوں کو دیکھتے ہی گاڑی کا دروازہ کھول کر نیچے اترتے ہوئے اپنے ملک عاصم سے کہا‘کام بن گیا ہے ۔ آپ تھوڑی دیر یہاں رکیے۔میں پانی کا انتظا م کرکے واپس آتا ہوں۔ سر فراز نے لڑکیوں سے پوچھا‘کیا وہ انہیں پینے کو کچھ پانی دیدیں گی۔میں خوشی سے پانی پلانے کا معاوضہ بھی اداکروں گا۔
تو لڑکیوں میں سے ایک نے تنک کر کہا‘بابو چلتے بنو کوئی اور کام ہے تو بولو یہاں پانی اتنی آسانی سے نہیں ملتا ۔ میل بھر کے فاصلہ سے جا کر پانی لانا پڑتا ہے ۔ان لڑکیوں کے درمیان میں کھڑی ایک لڑکی نے سر فراز سے مخاطب ہو کر کہا‘بابو میں آپ کو پانی پلادوں گی مجھے کسی معاوضے کی بھی ضرورت نہیں ۔اتنے میں عاصم بھی گاڑی چلاتے ہوئے ان کے پاس پہنچ گیا اس نے لڑکی کی بات سن لی تھی ۔
اس نے لڑکی سے کہا کہ وہ پانی کی قیمت ضرور دیں گے کیوں کہ پانی اس نے مشکل سے حاصل کیا ہو گا۔پانی لینے کے بعد عاصم نے سوسو روپے کے تین نوٹ نکا ل کر تینوں لڑکیوں کو دے کر ان کا شکریہ بھی ادا کیا۔سر فراز نے گاڑی میں پانی ڈالا۔ جو نہی وہ پانی ڈال کر فارغ ہوا تو اس کی نظر گاڑی کے ٹائروں پر پڑی گاڑی کے دونوں ٹائروں میں ہوا نکل چکی تھی اب ان کا آگے جانا بھی محال تھا۔ لڑکیاں ابھی تک وہیں کھڑی تھیں ۔
انہیں پریشان دیکھ کر پانی دینے والی وہی لڑکی بول پڑی بابو کیا ہوا پریشان کیوں ہو؟عاصم نے ٹائروں کی جانب سے اشارہ کر کے کہا‘ان کی ہوا نکل گئی ہے اور ان کا آگے جانا مشکل ہو گیا ہے ۔ لڑکی نے جواب میں کہا۔صاحب آ پ فکر نہ کرو یہاں سے تھوڑی دور ہماری جھونپڑی ہے وہاں چلو۔میرا بھائی شہر سے ہوا بھروالائے گا۔سر فراز گاڑی کے پاس ٹھہر گیا اور عاصم ان لڑکیوں کے ہمراہ چل دیا۔وہ لڑکی جس کا نام بھولی عاصم کے ساتھ ساتھ تھی باقی دونوں لڑکیوں آگے آگے چل رہی تھیں ۔
بھولی نے عاصم کو اپنی جھونپڑی کے اندر لا کر ایک چار پائی پر بٹھادیا۔عاصم جوتا اتارنے کو جھکا ہی تھا کہ سامنے کی جھونپڑی کے ساتھ ایک بوڑھا آدمی نظر آیا جو ایک لڑکی کو پیٹ رہا تھا۔ لڑکی زور زور سے چلا رہی تھی ۔عاصم یہ سب برداشت نہ کر سکا اور وہ لڑکی کو بچانے کے لئے اٹھ کر باہر جانے لگا تو بھولی نے اسے روک دیا۔ بھولی نے بتایا‘صاحب یہ یہاں روز کا معمول ہے آپ منہ ہاتھ دھولو۔عاصم بھولی کے ہاتھ میں قیمتی صابن دیکھ کر حیران رہ گیا۔
اس نے عاصم کو ایک تولیہ بھی لا کر دیا جو بالکل نیا تھا۔وہ اور حیران ہوا۔بھولی نے عاصم سے مخاطب ہو کر کہا صاحب آپ حیران نہ ہوں۔ ہم بھی اسی دنیا کے باسی ہیں ۔عاصم نے بھولی سے پوچھا کہ وہ بوڑھا اس لڑکی کو کیوں ماررہا تھا؟جواب میں بھولی نے بتایا کہ وہ بوڑھا اس لڑکی کا خاوند ہے ۔وہ لڑکی کو لاکھوں میں خرید کر لایا تھا لڑکی روز کما کر پیسہ شوہر کو لا کر دیتی ہے جس دن وہ پندرہ سو سے کم پیسے لاکر دیتی ہے تو اس دن ایسا ہی ہوتا ہے ۔
وہ یہ باتیں کررہی تھی کہ اس کی نظر اپنے بھائی حمید ا پر پڑی جوگدھا گاڑی لاتے ہوئے آرہا تھا۔اس نے عاصم کو اشارہ کرکے بتایا کہ وہ رہا بھائی۔حمید کی گاڑی میں پانچ یا چھ جوان عورتیں بھی سوار تھیں ۔اس کی گدھا گاڑی جونہی جھونپڑیوں کے آگے آکررکی ان عورتوں نے گدھا گاڑی سے چھلانگیں لگا کر نیچے اترنا شروع کر دیا۔ حمید اپنی جھونپڑی کے قریب پہنچا تو بھولی نے بھائی کے دیر سے آنے کی وجہ پوچھی تو اس نے تبایا کہ بجلی اپنے اڈے سے آج بھی غائب تھی ۔وہ عورتیں گدھا گاڑی سے اُتریں تو اُن کے شوہر ان سے رقمیں وصول کرنے لگے۔
یہ سب دیکھنے کے بعد عاصم نے بھولی سے پوچھا کہ یہ بجلی کون ہے ۔ بھولی نے جواب میں بتایا کہ بجلی اس کے بھائی کی بیوی ہے اکثر دنوں میاں بیوی کے درمیان جھگڑا رہتا ہے اور بجلی ایک دو دن کے لئے غائب ہو جاتی ہے ۔حمید نے اپنی بہن سے اس اجنبی کے متعلق پوچھا تو اس نے کہا”بھائی تھوڑی دوران کی گاڑی کھڑی ہے اور ان کا ساتھی بھی گاڑی کے پاس ہے ۔ ان کی گاڑی کے دوٹائروں کی ہوا نکل گئی ہے ۔حمید نے ایک شرط رکھی کہ عاصم ٹائر واپس لگا کر اپنی گاڑی میں اس کو بٹھا کر بجلی کو ڈھونڈدے گا کیونکہ حمید کو بجلی سے بہت محبت تھی ۔
عاصم نے ایسا کرنے کا وعدہ کرلیا تھا۔ بھولی نے عاصم کو بتایا کہ ان کے رسم ورواج کے مطابق اگر کوئی مرد کسی عورت سے شادی کرنا چاہے تو وہ اس کی قیمت لاکھوں روپے ادا کرکے ہی شادی کر سکتا ہے یہ اس لئے کہ ان کے ہاں لڑکیاں کمائی کا ذریعہ ہیں ۔ میرے بھائی حمیدہ نے بھی لاکھوں روپے ادا کرکے بجلی سے شادی کی ۔
عاصم نے بھولی سے سوال کیا کہ کیا وہ بھی کچھ کما لیتی ہے ۔بھولی نے جواب دیا بابو جی اذان کی پہلی آوازسنتے ہی ہم سب لڑکیاں اپنے کام دھندے پر نکل جاتی ہیں اگر وقت پر ہم اپنے اڈوں پر پہنچ جائیں توا یک ہزار سے دو ہزار کمانا ہم لڑکیوں کے لیے کوئی مشکل کام نہیں۔ کیونکہ اکثر مرد پیسے دینے کے ساتھ ساتھ اپنے دل کا حال بھی سنا دیتے ہیں جب شام کو ہم گھر واپس آتی ہیں تو گھر آتے ہی سب کمائی ہمیں مردوں کے حوالے کرنا پڑتی ہے ۔یہی روز کا معمول ہے ۔بھولی نے عاصم سے اس کی زندگی کے حالات کا پوچھا تو عاصم نے اس کو جواب میں بتایا کہ وہ شہر میں ڈاکٹر ہے اس کے والد بھی ایک بڑی کاروباری شخصیت ہیں یہاں سے ساتھ کلو میٹر دور ایک گاؤں دنیا پور ہے وہاں کے چوہدری میرے والد کے بچپن کے دوست ہیں میرے والد کی شدید خواہش ہے کہ میں ان کے دوست کی بیٹی سے شادی کر لوں ۔
اور میں اسی غرض سے چوہدری صاحب کی بیٹی کو دیکھنے دنیا پور جارہا ہوں مگر راستے میں گاڑی خراب ہو گئی ۔اور اب میں آپ کے سامنے ہوں اور شاید یہی میری منزل ہے ۔ان کی بات جاری تھی کہ بھولی کے بھائی حمید نے آکر بتایا کہ صاحب گاڑی ایک دم تیار ہے آپ اپنا وعدہ پورا کریں اور مجھے بجلی ڈھونڈدیں ۔ عاصم ،سر فراز اور حمیدا گاڑی لے کر شہر روانہ ہو گئے ۔ایک چورا ہے پر انہیں لوگوں کا ہجوم نظر آیا پوچھنے پر معلوم ہوا کہ کسی لڑکی کی لاش پڑی ہے جس کو ایک کار سوار پھینک گیا ہے لڑکی کے اردگرد پانی سو اور ہزار کے کئی کرنسی نوٹ بکھرے پڑے ہیں اور لڑکی کا چہرہ بھی مکمل کچلا گیا ہے ۔
یہ ساری بات سن کرحمیدا کے منہ سے چیخیں نکل پڑیں وہ سوچ رہا تھا کہیں یہ اس کی بیوی بجلی کی لاش نہ ہو۔پولیس نے جلدی سے لاش پر کپڑا ڈال دیا اور ضروری کارروائی کے بعد لاش ایمبولینس میں رکھوادی یوں یہ لوگ لاش نہ دیکھ سکے۔ ان تینوں نے واپسی کا سفر کیا تو سورج کی کرنیں زمین پہ پڑنا شروع ہو چکی تھیں جب یہ لوگ واپس پہنچے تو حمید اآگے چل پڑا جو نہی وہ اپنی جھونپڑی میں داخل ہوا تو اس نے دیکھا بجلی وہاں موجود تھی اور بیٹی کو دودھ پلا رہی تھی ۔
خوشی سے اس کے منہ سے چیخ نکل گئی اس نے دوڑ کر اپنی بیوی کو گلے لگا لیا۔ وہ اس کو زندہ سلامت دیکھ کر بہت خوش ہورہا تھا ۔بجلی نے ایک زخمی بچی کو بچانے کیلئے خون کا عطیہ دیا تھا۔واپس گھر پہنچی تو اپنی لاڈلی کو دیکھ کر اس کے اندر ایک خیال نے جنم لیا کہ شہر کے لوگ اپنے بیٹوں اور بیٹیوں کو پڑھاتے ہیں میں بھی
اپنی بیٹی کو پڑھاؤں گی اور اس کو قوم کی بیٹی کے روپ میں ڈھالوں گی تاکہ یہ پڑھ لکھ کر ملک اور قوم کی خدمت کرے ۔ وہ سب بجلی کے خیالات اور باتیں سن کر حیران ہورہے تھے ۔
سر فراز اور عاصم بھی حیران تھے کہ ایک خانہ بدوش لڑکی اتنا بڑا جذبہ رکھتی ہے ۔عاصم نے فیصلہ کر لیا کہ وہ خانہ بدوش لڑکی بھولی سے شادی کرے گا چاہے جتنا پیسہ خرچ کرنا پڑے اور دنیا پور کے چوہدری کی بیٹی سے سر فراز کی شادی کروائے گا۔اوریوں عاصم کے اس فیصلے سے معاشرے میں ایک نئے اجالے کی کرنوں کے پھوٹنے کی امید نظر آرہی تھی۔

خالد نجیب خان:
ہمیں اللہ تعالیٰ کا شکر ادا کرنا چاہیے کہ اس نے ہمیں اس قابل بنایا کہ ہم پڑھ لکھ سکتے ہیں ہم صحت مند ہیں ہم باشعوراور عقل مند ہیں۔ افسوس کی بات یہ ہے کہ ہم میں سے بہت سے یہ کام نہیں کرتے۔ دراصل ہمیں ان سب نعمتوں کی قدر اسلئے بھی نہیں ہے کہ ہم نے کبھی ان کے بغیر کچھ وقت گزارا ہی نہیں ہے۔